گل عمو قاسمون قانه باتدی باشیوی حق یانیندا اوجاتدی گل عمو آه و فریاد تز گل(2) منتظر قالمیشام داده

نوحه-حضرت قاسم بن الحسن_

گل عمو قاسمون قانه باتدی

باشیوی حق یانیندا اوجاتدی

گل عمو آه و فریاد تز گل(2)
منتظر قالمیشام داده تز گل(2)

—----------

سایه وه جسمیمی سالمیشام من

درس ایثار و عشق آلمیشام من

گل عمو تشنه و خسته جانم

ایندی میداندا تک قالمیشام من

 گل عمو آه و فریاد تز گل(2)
منتظر قالمیشام داده تز گل(2)
—-------------

قاسمم زاده مجتبایم

باوفایم عمو با وفایم

کوفه اهلی منی صید ایدوبدی

آهوی دشت کربو بلایم

گل عمو آه و فریاد تز گل(2)
منتظر قالمیشام داده تز گل(2)

—---------

پیکریمدن یارالار آخور قان

طاقتیم صلب اولوبدی عمو جان

ازرقون یاره سی کاری اولدی

قاسمون آز قالوبدی ویره جان

 گل عمو آه و فریاد تز گل(2)
منتظر قالمیشام داده تز گل(2)
—-------

گلگیلن داده مولا ابوالفضل

پرچمون صاحبی یا ابوالفضل

تپراقی قانیم الوان ایدوبدی

دردیمه ایت مداوا ابوالفضل

 گل عمو آه و فریاد تز گل(2)
منتظر قالمیشام داده تز گل(2)(بهلول حبیبی زنجانی